ஒவ்வொரு நாட்டிலும் வித்தியாசமான போக்குவரத்து விதிகள் உள்ளன. இவை மக்களின் பாதுகாப்பான பயணத்தை உறுதி செய்ய உருவாக்கப்படுகின்றன. சில வளர்ந்த நாடுகளில் இந்த விதிகள் மீறப்பட்டால் அபராதம், சில நாட்கள் முதல் மாதம் வரை சிறைத்தண்டனை போன்ற தண்டனைகள் விதிக்கப்படும்.
இந்தியாவிலும் போக்குவரத்து விதிகள் மற்றும் அவற்றுக்கான அபராதங்கள் உள்ளன. அடுத்த ஏப்ரல் 1ஆம் தேதி முதல் தற்போது நடைமுறையில் உள்ள அபராதங்கள் பெருமளவில் உயர்த்தப்பட உள்ளன. இந்த அறிவிப்பு வாகன ஓட்டிகளில் அச்சத்தை ஏற்படுத்தியுள்ளது. ஆனால் ஆரம்பம் முதலே கடுமையான போக்குவரத்து விதிகளை பின்பற்றும் சில நாடுகள் உள்ளன.
இந்த நாடுகளில் விதிமீறலுக்கு வழங்கப்படும் தண்டனைகள் நம்மை அதிர்ச்சியுற செய்யக்கூடும். இங்கு சில நாடுகளில் உள்ள கடுமையான போக்குவரத்து விதிகளைப் பற்றி தெரிந்து கொள்ளலாம்.
ஆஸ்திரேலியா
ஆஸ்திரேலியாவில் கார் ஓட்டும்போது சீட் பெல்ட் அணிவது கட்டாயம். இதனை மீறினால், 330 AUD (இந்திய மதிப்பில் 18,000) வரை அபராதம் விதிக்கப்படும். சீட் பெல்ட்கள் உயிர்களை காப்பாற்றுவதால், ஆஸ்திரேலியா இந்த விதியை கடுமையாக அமல்படுத்துகிறது.
நார்வே
நார்வே நாட்டில் வேகம் மிக முக்கியம். இங்கு வேக வரம்பு மணிக்கு 20 கிமீ. இதை மீறினால், 18 நாட்கள் வரை சிறையில் அடைக்கப்படலாம். வேகத்தை குறைப்பதற்கான இந்த கடுமையான விதிகள் சாலை விபத்துகளை குறைப்பதில் பயனுள்ளதாக நிரூபிக்கப்பட்டுள்ளன.
அமெரிக்கா
அமெரிக்காவில் குழந்தைகளின் பாதுகாப்பு முக்கியமாகக் கருதப்படுகிறது. குழந்தைகளின் பாதுகாப்பை உறுதி செய்ய கடுமையான விதிகள் உள்ளன. இவற்றை மீறினால் அபராதம், சமூக சேவை அல்லது கட்டாய கல்வித் திட்டங்களில் கலந்துகொள்வது போன்ற தண்டனைகள் விதிக்கப்படுகின்றன.
இங்கிலாந்து
இங்கிலாந்தில் வாகனம் ஓட்டும் போது மொபைல் போன் பயன்பாட்டை கடுமையாகக் கட்டுப்படுத்துகிறது. ஹேண்ட்ஸ்-ஃப்ரீ சாதனம் இல்லாமல் போனைப் பயன்படுத்தினால் £200 அபராதம் மற்றும் ஓட்டுநர் உரிமையில் 6 புள்ளிகளை இழக்க நேரிடும்.
சிங்கப்பூர்
சிங்கப்பூரில் போக்குவரத்து விதிமீறல்களுக்கு கடுமையான தண்டனைகள் விதிக்கப்படுகின்றன. அதிக வேகம், சட்டவிரோத வாகன நிறுத்தம் மற்றும் பிற குற்றங்களுக்கு கடுமையான தண்டனைகள் உண்டு. சிங்கப்பூரில் தொடர்ச்சியான போக்குவரத்து கண்காணிப்புகள் மூலம் உலகின் பாதுகாப்பான சாலை அமைப்பை உருவாக்கியுள்ளது.
