ஹைதராபாத்: ஐபிஎல் 2025 சீசனில் ராஜஸ்தான் ராயல்ஸ் அணியின் வேகப்பந்து வீச்சாளர் ஜோப்ரா ஆர்ச்சர், சன்ரைசர்ஸ் ஹைதராபாத் அணிக்கெதிராக நடந்த போட்டியில், பந்து வீச்சில் மோசமான நாளை அனுபவித்தார்.
நான்கு ஓவர்கள் பூர்த்தி செய்த அவர் விக்கெட் எதுவும் இல்லாமல் 76 ரன்களை வழங்கினார். இதன் மூலம், ஐபிஎல் வரலாற்றில் ஒரே போட்டியில் அதிக ரன்களை விட்டுக்கொடுத்த பந்துவீச்சாளராகப் பெயரானார். இதற்கு முன்பு, 2024 சீசனில் மோஹித் சர்மா 73 ரன்கள் விட்டுக்கொடுத்திருந்தார், அந்த சாதனையை மிஞ்சியுள்ளார் ஆர்ச்சர்.
இந்த போட்டியில், சன்ரைசர்ஸ் ஹைதராபாத் அணி 20 ஓவர்களில் 286 ரன்கள் குவித்தது. பின்னர், அந்த ஸ்கோரைக் சாதிக்க முயன்ற ராஜஸ்தான் ராயல்ஸ் அணி 242 ரன்கள் மட்டுமே எடுத்தது. இதனால் 44 ரன்கள் வித்தியாசத்தில் கம்மின்ஸ் தலைமையிலான ஹைதராபாத் அணி வெற்றி பெற்றது.
ஐபிஎல் வரலாற்றில் அதிக ரன்களை விட்டுக்கொடுத்த பந்துவீச்சாளர்கள்:
🔹 0/76 – ஜோப்ரா ஆர்ச்சர் (2025)
🔹 0/73 – மோஹித் சர்மா (2024)
🔹 0/70 – பஸில் தாம்பி (2018)
🔹 0/69 – யஷ் தயாள் (2023)
🔹 1/68 – ரீஸ் டாப்லி (2024)
இந்த பட்டியலில் புதிய சேர்க்கையாக இடம் பிடித்துள்ள ஜோப்ரா ஆர்ச்சர், எதிர்கால போட்டிகளில் இந்த மோசமான சாதனையை மறக்க வைக்கும் அளவுக்கு சிறப்பான பந்துவீச்சை வெளிப்படுத்துவாரா என்பதை பொறுத்திருந்து பார்க்கலாம்
