படிவம் 16 இல்லாமல் வருமான வரியை தாக்கல் செய்வது எபபடி? இந்த எளிய வழிகளை பின்பற்றுங்கள்.
சென்னை, மே 17 2025:
வருமான வரித் துறை வரி செலுத்துவோருக்கான 7 படிவங்களை அறிவித்துள்ளது. இந்நிலையில், பெரும்பாலான சம்பளதாரர்கள் ஜூலை 31 க்குள் விவரங்களைச் சமர்ப்பிக்க வேண்டும். மேலும், முதலாளிகளும் வரும் நாட்களில் படிவம் 16 ஐப் பகிர்ந்து கொள்ள வாய்ப்புள்ளது.
இது இல்லையென்றால் எப்படி வருமான வரித்துறை படிவத்தை நிறைவேற்றுவது?
வருமான வரித்துறை படிவம் 16 என்றால் என்ன?
வருமான வரித் துறையின் தகவலின்படி, படிவம் 16 அல்லது படிவம் 16A என்பது மூலத்தில் வரி கழிப்பதற்கான சான்றிதழ் ஆகும்.
இது ஊழியர்களின் சார்பாக முதலாளியால் வரி கழிக்கப்படும்போது வழங்கப்படுகிறது. மேலும், பல்வேறு பரிவர்த்தனைகளுக்கான TDS/TCS விவரங்களை வழங்குகிறது. முதலாளிகள் இந்த சான்றிதழ்களை வரி செலுத்துவோருக்கு வழங்குவது கட்டாயமாகும்.
இந்நிலையில் படிவம் 16 இல்லாமல் வருமான வரித்தாக்கல் செய்வது எப்படி என்பது குறித்து பார்க்கலாம்.
படிவம் 16 இல்லாமல் வருமான வரித்தாக்கல் செய்வது எப்படி?
சம்பளம் வாங்கும் அனைத்து தொழிலாளர்களுக்கும் படிவம் 16 ஐ கொடுப்பது அவசியமாகும். இருப்பினும், இந்த ஆவணத்தைப் பயன்படுத்தாமல் வருமான வரி வருமானத்தை தாக்கல் செய்வதற்கான வழிகள் உள்ளன.
இந்த நிலையில், வருமான வரித் துறை வருமானத்தை தாக்கல் செய்வதற்கான காலக்கெடுவை 2025 ஜூலை 31 என நிர்ணயித்துள்ளது. அந்த வகையில் நாம் தற்போது சில மாற்று ஆவணங்களை பார்க்கலாம்.
- சம்பளச் சான்று மற்றும் வங்கி அறிக்கை
- வீட்டு வாடகை மற்றும் விடுப்பு பயணப் படிகளுக்கான சான்று
- வங்கியிடமிருந்து டி.டி.எஸ் சான்றிதழ்
- வீடு மற்றும் கல்விக் கடன் செலுத்தும் சான்றிதழ்கள்
- கழிவுக்கான முதலீட்டுச் சான்று
- படிவம் 26AS
