விமானப் பயணம் ஒரு இனிமையான அனுபவம். ஆனால் விமான பயணத்தில் மது அருந்துவது நீரிழப்புக்கு வழிவகுக்கும். தலைச்சுற்றல், தூக்கமின்மை மற்றும் சோர்வை ஏற்படுத்தும். விமானத்தில் ஏறுவதற்கு முன் மேலும் சில உணவுப் பொருட்களைத் தவிர்ப்பது நல்லது. இல்லையெனில் சில அசௌகரியங்கள் அல்லது செரிமானப் பிரச்சினைகளை சந்திக்க நேரிடும்.
காரமான உணவுகள் பலருக்கும் பிடித்தமானவை. ஆனால் விமானப் பயணத்தின் போது அவை வயிற்றில் எரிச்சல், அஜீரணம் அல்லது நெஞ்செரிச்சலை ஏற்படுத்தும். கார்பனேற்றப்பட்ட பானங்கள் வீக்கம் மற்றும் வாயுத் தொல்லையை உண்டாக்கி, பயணத்தின்போது அசௌகரியத்தை ஏற்படுத்தும்.
எண்ணெயில் வறுத்த உணவுகள், அதிக கொழுப்பு மற்றும் உப்பு சேர்ந்து வயிற்றில் அசௌகரியத்தை ஏற்படுத்தும். இதனால் சோர்வு மற்றும் கனமான உணர்வு ஏற்படும்.
விமானத்தில் ஏறுவதற்கு முன் சில குடிமகன்கள் சில ரவுண்டுகளை குடிக்க ஆசைப்படலாம், ஆனால் மது உங்களை நீரிழப்புக்கு ஆளாக்கும். இது உங்கள் பயணத்தை மோசமாக்கும் மற்றும் உங்களுக்கு தலைச்சுற்ற வைக்கும். மேலும், மது உங்கள் தூக்க முறைகளை சீர்குலைத்து, நீங்கள் தரையிறங்கும்போது சோர்வாகவும், மந்தமாகவும் உணர வைக்கும்.
ஆரஞ்சு, எலுமிச்சை போன்ற சிட்ரஸ் பழங்கள், நெஞ்செரிச்சல் அல்லது அமில ரிஃப்ளக்ஸ் பிரச்சனைகளை அதிகரிக்கச் செய்யும். பதப்படுத்தப்பட்ட இறைச்சிகளில் உள்ள அதிகப்படியான சோடியம் மற்றும் செயற்கைப் பொருட்கள், நீரிழப்பு, வீக்கம் மற்றும் அசௌகரியத்தை ஏற்படுத்தும்.
எனவே, விமானப் பயணத்தை மகிழ்ச்சியாக அனுபவிக்க, மேற்கூறிய உணவுகளைத் தவிர்ப்பது நல்லது.
